3. Mpok Eni Kawin Lagi

Suatu pagi yang cerah…

Mpok Eni : Salam lekoooommm……

Oca : Lekom salaaaammm…. Eh, tante Eni, masuk tan… bunda ada tuh di belakang.

Mpok Eni : Hlo, Rossa kok nggak sekolah?

Oca : Tadi sekolah Tan, tapi terus Oca kecebur kubangan basah semua, jadi disuruh pulang sama bu guru….

Mpok Eni : Kecebur kubangan apa emang nyebur lo?? Kok abis mandi gini? Basah semua ya?

Oca : Kecebur lah Tan.. kan tadi kodoknya nyilem, jadi Oca cariin. Mau dibawa pulang buat hadiah untuk bunda. Bunda kan seneng koleksi kodok..

Mpok Eni : Emang bunda lo Ca, ada-ada aja, kodok lah dikoleksi. Mana bunda? Tante mau ceritain koleksi tante..

Oca : Ada tuh tan di belakang. Masuk deh..

Mpok Eni masuk ke dalam rumah. Mpok Ana sedang di teras belakang, asik membungkusi es mambo dagangannya untuk hari itu.

Mpok Ana : Eh, sini En.., bantuin gue bungkusin es nih..

Mpok Eni : idiiihh…. Ini es mambo kok besar-besar amat mana coklat lagi.. kayak punyanya orang Afghanistan hihihi..

Mpok Ana : astapiruloh En… orang Afghanistan apaan?? Bukannya kemaren elo kawinnya sama orang Iran??

Mpok Eni : kan udah ke Ostrali orang Iran nya, sekarang ganti sama orang Afghanistan.

Mpok Ana : emangnya elo udah kawin lagi? Cepet amat dapetnya? Perasaan belom tiga bulan lo kawin udah kawin lagi..

Mpok Eni : Iya, gue kawin kan cuman sebulan, terus jadi janda sebulan, terus kawin lagi deh..

Mpok Ana : Emang bisa gitu? Abis cere langsung kawin lagi? Kan ada masa idah?

Mpok Eni : iya, kata mpok Eteng, masa idah kudu 3 bulan. Tapi kalo dilanggar kagak ada hukuman penjaranya. Jadi kalo ngelanggar masa idah ya udah. Kayak pengumuman dilarang kencing disini, kalo gue kencingin kan nggak ada pasal penjaranya, masak polisi mau nangkep? Kan kagak. Kata mpok Eteng, itu peraturan mandul, ada larangannya tapi gak ada sangsinye.

Mpok Ana : ooo gitu ya?

Mpok Eni : lagian, dari yang gue baca di wikipedia, elo tau wikipedia nggak? Nabi kita, habis istri pertamanya meninggal, kan kawin laginya di bulan yang sama. Nggak ada masa idah. Jadi boleh dong gue kawin lagi nggak pake masa idah.

Mpok Ana : Eh mpok! kita kan ngikutin peraturan perkawinan nggak ngikutin Nabi.. Eh, harusnya kita ikutin Nabi apa ikutin peraturan ya? Elo kok bikin bingung gue sih mpok.. Terus, babe lu ngasih lu kawin lagi?

Mpok Eni : ya ngasih laah… babe kan yang jadi wali nya. Lagian, gue kan punya KTP babe gue banyak, beda-beda foto. Kalo dia gak mau jadi wali, ada kok yang mau jadi wali gue..

Mpok Ana : astapiruloh mpok Eniiii….. tobat.. tobaaat….



- Esther Wijayanti -