2. Mpok Eni Mau Nikah

Suatu sore yang cerah…

Mpok Eni : Salam lekoooommm……

Oca : Lekom salaaaammm…. Eh, tante Eni, masuk tan… bunda ada tuh di belakang.

Mpok Eni : Rossa mau kemana?

Oca : Maen play station! Dah tanteee….

Mpok Eni masuk ke dalam rumah. Mpok Ana sedang di teras belakang, berasyik masyuk dengan suaminya, mas Agus yang baru kemarin pulang setelah dinas delapan bulan di Flores.

Mpok Eni : cieeee….. yang pacaran…. Apa kabar mas Agus? Untung bukan bang Thoyib, jadinya pulang nih..

Mpok Ana : Eh, mpok… masuk mpok… tumben, keliatannya lagi gembira, ada apa nih..

Mpok Eni : iye nih, mau bilang makasih udah dikasih nomer telponnya mak Eteng. Aye jadi nikah nih Kemis besok.

Mpok Ana : Ha??!! Kemis? Cepet amat?? Jadi lo nikah sama Kombes? Kombes mane?

Mpok Eni : hihihi… Kombes pale lo… gue nikah sama orang Iran !

Mpok Ana : Ha??!! Orang Iran dapet dari mane lo ???

Mpok Eni : orang Iran mah banyak disini mpok, gue tinggal pilih, yang mana yang mahar sama nafkahnya cocok bisa dinikahin, sampe dia selesai tinggal disini.

Mpok Ana : maksud lo?

Mpok Eni : gue nikah sampe orangnya selesai urusan imigrasi, kan orang Iran tinggal disini gara-gara nyangkut di imigrasi, gak bisa terusin ke Ostrali..

Mas Agus : Kawin kontrak En ?

Mpok Eni : kata orang sih gitu mas..

Mas Agus : Bukannya kawin kontrak gak boleh sama MUI En?

Mpok Eni : ya nikahnya di KUA dong, masak di MUI. Kata mak Eteng kawin kontrak itu nggak ada undang-undang yang dilanggar. Jadi bisa aja. Yang penting kan kagak zinah. Ya udah, Kemis ya di rumah gue, jam 8 pagi. Jangan lupa.

Mpok Ana : eh, tunggu dulu… trus kalo orang Irannya pergi gimana lo?

Mpok Eni : doain aja ye… biar gue dapet Kombes.

Mpok Ana : halaaahh….. dasar lo En… ya udah sono, ntar kita dateng deh. Gangguin gue lagi pacaran aja lo…

Mpok Eni : Hihihi… Dah Anaaa…. Dah mas Aguusss…. Salam lekoommm…

Mpok Ana & Mas Agus : Lekom salaaammm…….





- Esther Wijayanti -